برنامج محاسبة للمزارع متفصّل على شغل مزرعتك

لمين: مزارع التسمين والعجول اللي فيها أكتر من محطة وعنبر، ومعاها طبيب بيطري بيتابع المواعيد.

• ملف لكل عجل: الرقم، مكانه (مزرعة ← محطة ← عنبر)، السلالة، الوزن، الحالة الصحية، والمرفقات الطبية.
• جدول تحصينات مبدئي بيتعمل تلقائيًا من كتالوج التحصينات لما تسجّل العجل، وتقدر تعدّله.
• لوحة بتوريك التحصينات المتأخرة، والمستحقة الأسبوع ده، ونسبة الالتزام.
• تحصين عنبر أو محطة كاملة مرة واحدة، بدل ما تسجّل عجل عجل.
• سجل العلاجات والأمراض والنفوق بتكلفتها، وسجل تحركات العجول بين العنابر، ومكان العجل بيتحدّث لوحده.
• تقارير تطبعها أو تحفظها PDF، أو تنزّلها Excel، وتنبيهات وملخصات على تيليجرام لو فعّلتها.
• صلاحيات حسب الدور: مدير، طبيب، عامل. ولو النت فصل وانت فاتح البرنامج، تسجيل التحصينات والتحركات بيتحفظ على الجهاز ويترفع لما النت يرجع.

لمين: مزرعة أو مجموعة مزارع عندها صيدلية بتصرف أدوية وتحصينات ومستلزمات على أكتر من مزرعة.

• صرف طلب فيه كذا صنف على المزرعة المستلمة في عملية واحدة، ببحث سريع أو قارئ باركود، وطباعة إيصال وملصقات باركود.
• عهدة الفوارغ: العبوات اللي لازم ترجع بتتسجّل على المزرعة اللي استلمت، واستلام المرتجع والفوارغ في عملية واحدة، ومحضر إعدام أو تسليم للفوارغ.
• رصيد الدوا جوه الصيدلية، ورصيد كل مزرعة، وعهدة التحصين لوحدها.
• تنبيهات للأصناف النافدة واللي تحت الحد الأدنى واللي قرّبت تنتهي صلاحيتها، وتنبيه الصلاحية بيوضّح رقم التشغيلة.
• تقرير يومي للمنصرف، واستهلاك كل مزرعة وكل صنف، والأصناف الراكدة، وقيمة المخزون بالتصنيف. تطبعها أو تنزّلها Excel.
• سندات بأرقام: تدوّر برقم السند وتشوف بنوده ورقم آخر مراجعة، وأي تعديل بيتسجّل من غير ما يمسح الأصل.
• مكتب أوفلاين: تسجّل الصرف والفوارغ على الجهاز، وتترفع لما النت يرجع.

لمين: مزارع الإنتاج النباتي اللي بتشغّل يومية ومقاولين وعمالة موسمية على قطاعات وحوش.

• تسجيل الشغل بنوعه: يومية، بالقطعة (فدان أو رأس أو طن)، مقاولة بمبلغ مقطوع، أو موسمي بدفعات.
• المواقع بالترتيب: مزرعة ← قطاع ← حوشة، وتكلفة القطاع بتتوزع على حوشه حسب المساحة.
• كتالوج عمليات بالكود والمجموعة، تقدر ترفعه من شيت Excel، وأسعار المقاولين ومتوسطات اليومية محفوظة.
• تكويد عمالة المزرعة الثابتة بيوميتهم المرجعية، وتسجيل مين اشتغل في كل عملية.
• تكلفة مخططة لكل قطاع وحوشة، قدامها الفعلي والفرق.
• المشرف بيسجّل ومدير المزرعة بيعتمد، وأي تصحيح بعد الاعتماد لازم له سبب ويتسجّل.
• تقارير بفلاتر المزرعة والقطاع والعملية والمدة، وتصدير CSV. وتحليل بينبّهك لتجاوز الميزانية وتكلفة الوحدة لما تبقى أعلى من المخطط، والاعتمادات المتأخرة.
• عربي أو إنجليزي، وبيتثبّت على الموبايل زي التطبيق.